Tími á bloggfærslu..?

Tja... afhverju ekki. :)

Þrátt fyrir að þorrinn herji nú sem aldrei fyrr og kuldinn bíti kinn
þá er þetta fyrst færsla nýs árs og þykir mér þá við hæfi að rifja aðeins upp hvað stóð nú upp úr hjá mér á nýlega liðnu ári.

(Í tímaröð)

Fæðing frumburðarins


Brúðkaupið okkar í garðinum í Hingeballe.

Menn Ársins brugðu landi undir fót og heimsóttu Jóta þar sem við lögðum grunninn að væntanlegri hljómskífu(#). Nú um þessar mundir erum við að taka upp það sem upp á vantar (overdub) og fínisera og snurfusa.

Mikill tími hefur farið í myndavélanördismann og þá aðalega í (eftir)vinnslu hráfæla. Vonandi tekur maður einhverjum framförum.

Hmm.. þetta er nú svona toppurinn...

Annars hefur færslum á þessa síðu fækkað um sirka helming á hverju árinu sem líður (ekki það að öllum sé ekki sama). Ég sé fram á en frekari fækkun með tilkomu Facebook þar sem maður fær "útrás" fyrir allt sem sem telst varla til tíðinda svo sem eins og að benda fólki á (mis) áhugaverðar vefslóðir, youtube-myndbönd o.þ.h.

Annað sem ég met mikils er að hafa verið (ef ég tel rétt) ca. 29 vikur frá vinnu (fæðingarorlof/páska- sumar og jólafrí), og hlýtur það að teljast til þó nokkura "verðmæta" þegar kemur að því að njóta lífsins með frumburðinum.

Annars eru alltaf (mis) nýjar myndir og vídjó að detta inn....
http://www.flickr.com/photos/siggidori/


http://youtube.com/skonrokk

Menn Ársins eru uppteknir menn...

Þá fer að slá í viku síðan Menn Ársins sneru heim á klakann eftir ansi vel heppnaða upptökutörn á Lundgård upptökuheimilinu á Jótlandi. Stíf törn sem maður fann, þegar heim var komið, að hafði tekið þó nokkuð á. En mikið var þetta mikil stemming og skemmtilegt. Mæli með þessu. :)

Skellti til gamans nokkrum vídeó skotum af okkur þar sem við erum við upptökur, allt hrátt og í dogma stíl. ;-)





Svo er Sváfnir með eitthvað líka.

Sice og Andreas Úlfur voru í DK líka en voru þó ekki á Lundgaard. Þetta var í fyrsta skipti sem ég sé ekki frumburðinn daglega. Held við höfum báðir staðið það ágætlega af okkur. Sice náði sér í flensu sem ágerðist og endaði með lungnabólgu sem hún er rétt að jafna sig á núna. Þannig að það er svo sem ekki mikið búið að gerast hér eftir að heim var komið nema að hjúkra konu og annast soninn, og reyna að safna kröftum.

En jú jú .. það var í nógu að snúast hjá Mönnum Ársins um helgina. Við spiluðum á Hressó á föstudaginn og svo fluttum við lagið hans Tóta í undankeppni júróvisjón á laugardeginum og svo spiluðum við á Café Aróma þar á eftir.

Lögin sem ekki komust áfram á laugardaginn geta ennþá komist áfram í keppninni. Rás 2 stendur fyrir kosningu um hvort lagið fer áfram. Úrslitin verða gerð kunn um kl. 15. í þættinum Helgarútgáfunni á laugardaginn. Hægt er að kjósa alla vikuna.

If You Were Here (hlusta)
Þórarinn Freysson (höfundur)
Símanr.: 900 2202 (kjósa)



En það er ekki að spyrja að nördunum lagið er strax komið á YouTube. Tékk it.

1 ár á flickr - Ég tók saman þennan nördaralega pistil fyrir flickr. Nenni ekki að þýða'ann, en þið eruð nú svo klár...! :-)

1. Legend of the waterfall - Skógafoss, Iceland., 2. Night sky, 3. Thoughtful...?, 4. Long shadows, 5. Rainbow, 6. Reykjanes, Iceland, 7. New born, 8. Mud, 9. View over Borgarfjörður, Iceland, 10. Saturday night in Reykjavík, 11. Bifröst, 12. Cliffs on the island Møn, Denmark, 13. Skógafoss, Iceland, 14. Úlfur í afastól og pabbinn prufar nýja flassið, 15. Faxaflói - Clouds over Snæfellsnes, Iceland, 16. Ruins, 17. Fire in the sky, 18. Google girls - "taking photos", 19. Down by the seaside, 20. Mountains, 21. Worm + flower, 22. Tired feet..., 23. Snail and Ribes berries, 24. Esbjörn Svensson - NASA, Reykjavík, Iceland, 25. Fireworks in Iceland, 26. Washing room with a view!, 27. Arty Sunset, 28. The colors of spring, 29. Between..., 30. Super Dexta!, 31. Arndís Ása & Andreas Úlfur, 32. Straumsalir, Kópavogur, Iceland., 33. Himinn og haf, 34. Wooden path, 35. Rocks, 36. Small boats at the harbor

See more here :
www.flickr.com/photos/siggidori/sets/72157594366180969/
or here:
interestingby.isaias.com.mx/pm.php?id=10144611@N00&th...

---------------------------

So! 1 year on flickr! It's been a great learning experience and will most likely continue to be!

I bought a Nikon D80 camera (with the "Nikon DX AF-S 18-135 mm f/3.5-5.6 ED" lens) in october last year and joined flickr shortly there after. The first pictures were uploaded in early november 2006.

To begin with I shot in jpeg format and was mostly using auto or aperture priority settings on the camera. Editing (if any) was done in the Picasa software or in the camera.

In march/april 2007 I started to experiment with the RAW/NEF format and haven't looked back since. Around the same time I also started using the Lightroom software to edit and convert the NEF files (and also upload to flickr).

Last summer I bought the Nikon AF Nikkor 50mm f/1.8D and the "Sigma 17-70mm F2.8-4.5 DC MACRO" lenses along with the "Nikon Speelight SB-600" flash.

I also started using (the cameras) manual mode almost exclusively.

Then in late last September I bought the "Sigma 30mm F1.4 EX DC HSM" lens.

Recently I also started using the Nikon Capture NX editing software and I like it a lot, even though it's a bit heavy on my current laptop. I usually start out by editing the NEF files in Capture, then I'll convert them to TIFF and import into Lightroom where I do some extra editing/tweaking (if needed) and then I'll convert to JPEG and upload to flickr.

SO! I feel like I'm slowly learning and improving by constantly experimenting and by trial and error. Hope I'll continue to do so.

My flickr page is not supposed to be a showcase of my best work/pictures. It's also for general family pictures and ("documentary") stuff like that.

2,112 photos and 25,128 (profile?) views.... I'm not sure what the numbers mean... just for fun I guess. ;-)

So I hope you can find something in my stream that you can enjoy for whatever reason.
Feel free to explore my sets and collections.

See you around flickr!

Helflippaðir feðgar í fæðingarorlofi

Það er náttúrulega bara stuð að vera í fæðingarorlofi. ;-)



Tvíhöfði von Zoolander


;-)



Alien atriðið okkar... :-p


:-)

Plakat

Jamm og jú. Þá eru Menn Ársins komnir með þetta líka fína plakat.

Menn ársins spila nýtt efni af væntanlegri plötu á DOMO þriðjudagskvöldið 30. október kl. 21.30.

Menn Ársins verða með tónleika á Domo Bar, þriðjudaginn 30. okt. n.k. og hefjast þeir upp um kl. 21:30.

Flutt verða glæný lög eftir okkur sjálfa.
Tónleikarnir eru n.k. generalprufa áður en við skellum okkur í hljóðverið til að hljóðrita lögin.

Það væri okkur sannkallaður heiður ef þú sæir þér fært um að mæta á þriðjudaginn á Domo.

Aðgangur að tónleikunum er ókeypis.

Sjáumst!

kv.
Menn Ársins

Lampa-direct box.

Af gefnu tilefni langar mig í þannig.

T.d.

http://www.demeteramps.com/products/directboxes/vtdb2b.html
http://ampeg.com/products/bessentials/svtdi/index.html

---

UPPFÆRSLA: Er búinn að panta Demeter direct boxið!

Stíf helgi

Jú, helgin var þétt eins og lesa má í pistlinum hér á undan. Upptökur á júróvisjón lagi Tóta gengu vel og munu halda áfram á næstu dögum/vikum.

Um helgina var ég með í láni Mark Bass magnara og box til prufukeyrslu. Einn 15" hátalari (á gólfi) + 2x10" box þar ofan á og svo 500w magnari með lampaformagnara. Þetta kom nú í heildina bara vel út held ég, og finn ég og heyri þó nokkurn mun frá Ampeg Portabass 250 magnaranum mínum en hann hefur 1x12" hátalara. Meiri fylling og styrkur til að gera langa sögu stutta.

Talandi um spilamennsku. Það hefur verið allt annað líf að spila á búllunum eftir að reykingabannið tók gildi. Ekki dónalegt að geta jafnvel farið í sömu fötin og maður klæddist kvöldinu áður án þess að kúgast vegna reykingarstybbu. En nú brá svo við að eftir spilamennskuna á Hressó á föstudaginn var hin megnasta reykingarstybba af fötunum, og er það eitthvað sem ætti nú ekki að gerast á reyklausu svæði, nei ég meina veitingahúsi, er það? ... og nei það reykir enginn í bandinu. Hressó hefur komið sér upp ansi misheppnaðri reykingar aðstöðu. Einverskonar plast (sýndist mér) var búið að setja utan um nokkur borð og stóla í garðsvæði staðarinns. Ekki var lokað milli aðalsalarins og garðsins, ergo heilmikinn reyk lagði INN á staðinn, það mikinn reyk að maður fann fyrir því. Vonandi sjá þeir að sér og bæta úr þessari heimskulegu "lausn".

Menn Ársins eru enn við stífar æfingar. Nú höfum við blásið til tónleika á Domo Bar þann 30. oktober n.k. Bæði svona til að setja sjálfum okkur "deadline"/ramma (fyrir upptökurnar) og svo líka til að prufukeyra efnið og leyfa öðrum að tékka á þessu efni okkar með okkur.

Vonumst við til að sjá sem flesta, en frítt inn verður á tónleikana sem ættu að hefjast upp úr kl. 21.

Ef þið viljið kynna ykkur þetta nánar má lesa meira og láta minna sig á þetta á:

Facebook
Myspace
Last.fm

Nú um þessar mundir....

Fyrir þau ykkar sem voru ekki búin að frétta af því, þá er ég núna að njóta fæðingarorlofs sem mun vara fram að jólafríi. Hendugt ha? ;-)



Þannig það slitnar varla slefan á milli okkar feðga þessa dagana (hann sér um slefið...).



Já margt að gerast hjá Andreas Úlfi. Hann er farinn að rölta um með stuðningi Brio kerrunar sinnar, nú og svo er skriðið um allt að sjálfsögðu og tætt og nagað. A.m.k. 1 tönn komin, og fleiri á leiðinni eins og gengur. Allt að gerast ;-) og það gerist hratt. Babblið þróast og hvað eina. Nýjasta sportið hjá honum er að skrækja/"öskra" af þvílíkum styrk að sker í eyru.... og er ég nú ýmsu vanur í þeim efnum. Þannig að stuð í bæ! :)





Menn Ársins eru í óða önn að æfa frumsamið efni. Við erum búnir að bóka hljóðver á Jótlandi í Danaveldi og munum við læsa að okkur dagana 13.-17. nóvember n.k. Staðurinn er Lundgaard stúdíóið. En þar hafa jú ýmsir íslenskir tónlistarmenn hljóðritað nýlega, Magni og Jagúar svo dæmi séu tekin. Lundgaard hljóðverið er staðsett hér.




Menn Ársins eru að spila núna um helgina. Á föstudaginn erum við á Hressó og hefjum við leik um kl. 22:00 og á laugardaginn erum við á Café Aroma í Hafnarfirði og byrjum við að spila um miðnættið.
... og ekki nóg með það heldur verðum við "uppteknir" frá hádegi á laugardag niðrí Stúdíó Sýrlandi þar sem við munum hljóðrita lag eftir fyrrum bassaleikara Manna Ársins, Þórarinn Freysson heitir hann.



Lagið komst inn í forkeppni Evróvision Söngvakeppninar (sjá: Laugardagslögin á RÚV), og höfundirinn er fjarri góðu gamni á Englandi, þannig að Mennirnir hlupu undir bagga.


Að því er ég best veit verður lagið flutt í þættinum Laugardagslögin þann 24. nóvember n.k.

Þannig að ... í nógu að snúast. Skemmtilegir tímar framundan, eins og alltaf. ;)

Tell Me About the Magic Underwear

Ég fór með bassana mína í yfirhalningu um daginn. Ég mæli með þess háttar. Allt stillt rétt, pússað og allt hvað eina.

Dr. House virðist einnig vera liðtækur bassaviðgerðarmaður... eins og sjá má hér! #

It was 20 years ago today ,,,

John Francis Anthony Pastorius III
December 1, 1951-September 21, 1987

Joe Zawinul er látinn 75 ára

Píanistinn Josef Erich Zawinul (f. 7. Júlí 1932 – d. 11. Sept. 2007) lést á heimili sínu í Vín úr húðkrabbameini í dag.

Með honum er horfinn einn af áhrifa meiri (jazz/fusion) tónlistarmönnum seinustu áratuga.

Zawinul fluttist til Bandaríkjana árið 1959 með klassíska menntun í farteskinu ásamt ýmiskonar hljóðversvinnu. Hann spilaði með Maynard Ferguson og Dinah Washington áður en hann gekk til liðs við Cannonball Adderley Quintet árið 1961.

Seinna gekk hann til liðs við Miles Davis og tók þátt í að móta þá stefnu jazzins sem var kennd við bræðing (e. fusion).

Snemma á 8. áratugnum stofnar hann svo Weather Report ásamt Wayne Shorter og Miroslav Vitous. Sveitin sú náði miklum vinsældum, sérstaklega meðan rafbassaleikarinn Jaco Pastorius lék með bandinu. Tónlistarlegra áhrifa hennar gætir víða.

Ég hafði færi á að fara að sjá Joe Zawinul spila á Kaupmannahafnar-jazzhátíðinni í sumar. En ákvað eftir mikla umhugsun og rökfærslur að fara ekki. Ég bjóst fastlega við því að eina tækifæri mitt til að sjá Zawinul væri þar með fyrir bí, eins og kom á daginn.

Ég efast ekki um að tónlistarleg afrek hans muni halda minningu hans á lofti um ókomin ár.
--------------
Zawinul á Youtube

http://www.zawinulmusic.com/

Joe Zawinul
From Wikipedia, the free encyclopedia

http://news.bbc.co.uk/2/hi/entertainment/6989301.stm

Útgáfa mín af laginu "Man in the Green Shirt", eftir Joe Zawinul, hljóðritað á burtfarartónleikum mínum frá F.Í.H.

Með kaffinu.....

Arithmetic and Music
---

Er ekki smekksatriði hvað er smekklegt?
http://www.mbl.is/mm/frettir/frett.html?nid=1289436;rss=1
Væl er þetta í biskup.

-----

Magnús Skarphéðinsson mætti Birgi Vantrúarliða í þættinum Ísland í bítið

----

Það er ekki gott að segja hvort hann viti hvað hann syngur...

.. en fagurt galaði fuglinn sá....


"papa pabapabapbapba...." (o.s.frv.) raular Andreas Úlfur í sí og æ.

Og gaman að því ... ;-)

!

Það er til mikið af fólki í heiminum sem er illa haldið af veruleikafirringu. Fólk sem trúir því af lífi og sál að endalok heimsins séu handan við hornið og að Djíses Kræst sjálfur muni koma á senuna (á ný). Fólkið biður fyrir endalokum heimsins og getur varla beðið eftir því að endalokin komi. Það sem er ógnvekjandi fyrir okkur hin er að innan þessa hóps eru valdamiklir menn (í U.S.A.), valdamiklir menn sem beint eða óbeint geta haft mikil áhrif á málefni heimsins, stríð t.a.m. og ef við leiðum hugan að því að það eru enn til kjarnorkuvopn þá fer þetta að vera soldið súrt allt saman. Firringin er slík (hjá þessu fólki) að stórt sveppa ský yfir einhverri stórborginni (eða hvar sem er) væri í þeirra huga skýrt merki um að J.C. Jósefsson væri mættur til að sækja það og taka sig með til paradísar.



Lesa má nánari lýsingar hér #.

Boy meets girl ... etc... sannleikurinn um ástina og hjónabandið... ;-)

Frá: http://www.wellingtongrey.net/miscellanea/archive/2007-08-27--wellington-grey-gets-married.html

Læknar og kukl...

Svanur Sigurbjörnsson skrifar á bloggi sínu:

Um miðbik 20. aldarinnar náði virðing almennings fyrir nútíma læknisfræði og vísindum hámarki. Stórfelldar framfarir urðu á sviðum skurðlækninga og smitsjúkdómalækninga og ungbarnadauði minnkaði á dramatískan máta. Læknar voru litnir á sem eins konar guðir því fólkið var þeim og vísindunum svo þakklátt og taldi þá vita best. Fólk sá að vísindin og rökhyggjan virkaði og bætti lífsgæði þeirra á mjög áhrifaríkan máta.

Nú 40-50 árum síðar er þetta óðar að gleymast. Fólk er vant því að fá .... lesa meira #

-----------

Í samhengi við þetta langar mig að benda fólki á að skoða þátt Richard Dawkins "Enemies Of Reason". Fyrri hluti þáttarins virðist ekki vera inni á video.google í augnablikinu en seinni hlutinn (sá er fjallar einmitt um læknavísindin, kukl og fjárplógastarfsemi þeirra sem stunda hjátrúar"lækningar") er hægt að sjá HÉR!

:-D .. þetta er pínu fyndið ....

Comedian Rick Miller performs Queen's "Bohemian Rhapsody" using the 25 most annoying voices in the music industry.

In order of impersonations:
Bob Dylan
Neil Young
Michael Bolton
Corey Hart
Willie Nelson
Johnny Cash
Jon Bon Jovi
Robbie Robertson
Neil Diamond
Aaron Neville
Dennis DeYoung (Styx)
Barney the Dinosaur
Steven Tyler (Aerosmith)
Any Annoying Lead Guitarist
Meatloaf
Crash Test Dummies
Tom Petty
Beck
The B-52's
Brian Johnson (AC/DC)
James Hetfield (Metallica)
Mick Jagger (Rolling Stones)
Ozzy Osbourne
Julio Iglesiais
Bobby McFerrin
Andrea Bocelli
Axl Rose (Guns N Roses)

Með kaffinu.....

Ljóskumælgi! Beint á vídjóið hér.

Frá: http://onegoodmove.org/1gm/
--------------------------------------------------------------------------------

Hvað borða álfar?
:-D
--------------------------------------------------------------------------------

Nikon D300, previewed .... freistandi ... freistandi.... svo er líka væntanleg "full frame" vél frá Nikon.
--------------------------------------------------------------------------------

Nýjar myndir reglulega: http://www.flickr.com/photos/siggidori/

Svo er kallinn kominn á fésbókina: http://www.facebook.com/profile.php?id=554174552

Hjónaband :-)

Jæja... hvað er títt?



Þá er maður búinn að vera kvæntur maður í tæpan mánuð (þegar þetta er skrifað). Skemmtilegur dagur sem mun lifa í minningunni eins og vera ber. :-)

Athöfnin (sem var kl. 14:00) tók ekki langan tíma en veislan stóð svo fram yfir miðnætti. Eftir heimkomuna til Íslands þá blésum við til smá veislu handa systkynum foreldra minna.



En endilega tékkið á myndunum (sem eru að mestu teknar af Michael, stjúpa Sice, en eru unnar af mér). Hér er sk. gestalinkur á brúðkaupsmyndirnar en þá sjást fleiri myndir en venjulega. (Klikkið á litlu myndirnar til að sjá þær stærri)