In the spirit of Jaco Pastorius ...

... heitir finnsk hljómsveit sem spilar tónlist og útsetningar meistarans. Lana Kolbrún gerði þessari hljómsveit góð skil í seinasta þætti af 5/4.

Mæli með því.

Bara klassík...

Já hey...!

Ég átti afmæli í gær.


Top 5 í iTunes í seinustu viku:

The Chicken - Woodchuck
Bird's-eye-view - Arve Henriksen - Chiaroscuro
Mercy, Mercy, Mercy - Cannonball Adderley - Cannonball Adderly-Deep Groove! The Best Of Cannonball Adderley
Chanson de Delphine - Fleurine & Brad Mehldau - Close Enough for Love
Fell in Love With a Boy - Joss Stone - The Soul Sessions

(Listinn ber þess merki að ég var að finna lög fyrir blús samspilið, "Mercy", "Chicken" og "Fell in love...")

Helgin...

Spilaði kokteil jazz fyrir bændur og dani að skoða dráttarvélar á Selfossi á föstudagskvöldið. Fór í Sörvævör leik í partí, gerði stuttan stans á Kaffi Kúltúr.

Á laugardaginn fór ég á þrusugóða útskriftartónleika hjá Eyjó. Flott stuff. Hlustaði á Júróvisíjón með öðru eyranu.. bölvað rusl.

Svo hef ég verið að undirbúa blús-samspil sem ég er að hnoða saman fyrir Tónlistarskólann í Reykjanesbæ. Samspilið mun spila á Ljósanótt n.k.

Annars bara "walk in the park".

Welcome to the....

Youniversal internet cybercasts television station of improvised music!


Fullt af improv stuffi. Check it out.

Sniðug síða fyrir byrjendur í jazz spuna (eða tónlist almennt) og aðra áhugamenn.

www.iwasdoingallright.com

Allir á Eyjó...!!!

Laugardag 21. maí útskrifast Eyjólfur Þorleifsson frá Jazz- og Rokkdeild
Tónlistarskóla FÍH og að því tilefni heldur hann útskriftartónleika.

Eyjólfur hefur hefur komið víða við í tónlistinni undanfarin ár.
Hann spilaði meðal annars með hinni merku hljómsveit Jagúar í um tvö ár.

Í sumar kemur svo út fyrsta geislaplata Eyjólfs sem ber heitið Tónar.
Þar hefur hann fengið til liðs við sig einvalalið hljóðfæraleikara og eru
Tómas R. Einarsson, Sigtryggur Baldursson og Hildur Guðný Þórhallsdóttir
meðal þeirra sem þar gefur þar að heyra. Þessi nýja geislaplata inniheldur
eingöngu tónlist eftir Eyjólf.

Auk þessa að gefa út sínar eigin tónsmíðar
hefur Eyjólfur spilað inn á fjölda platna og tekið þátt í tónleikum
með mörgum helstu tónlistarmönnum hérlendis.
Hann var meðal annars með stóra tónleika á Jazzhátíð Reykjavíkur
síðastliðið haust sem voru kveikjan að plötunni Tónar.

Útskriftartónleikarnir munu eingöngu innihalda lög úr smiðju
Eyjólfs sem hafa ekki heyrst áður og koma vonandi út á
geislaplötu síðar á þessu ári.

Hljómsveitina skipa:

Eyjólfur Þorleifsson tenór saxófónn
Scott McLemore trommur
Ómar Guðjónsson gítar
Pétur Sigurðsson kontrabassi

Tónleikarnir verða haldnir í sal FÍH, Rauðagerði 27 og hefjast kl.17.00.
Aðgangur er ókeypis og öllum frjáls meðan húsrúm leyfir!

ANKAnaleg músík.

Meiri mp3 (Jump - Van Halen, og Wonderwall - Oasis) af "Rock Swings" plötu Paul Anka @ www.stereogum.com

Helgin...

...líður alltaf jafn hratt, guð sé lof fyrir auka daginn á morgunn. Grilluðum heima hjá Ásu systur í gær. Helvíti gott. Át alltof mikið. Kíktum svo í Borgarnesið í dag. Át alltof mikið.




Top 5 í iTunes þessa vikuna ber þess merki að ég var að senda umsókn á Jazzhátið Reykjavíkur 2005.

After All - Amalgam - Amalgam Jazz Quintet Demo 2004
Ansans Ananas Asnans - Amalgam - Live in Vejle
Calm Mouse - Amalgam - Live in Vejle
Crybaby - Amalgam - Live in Vejle
Reconnoiter - Chris Speed - Deviantics

Rock Swings !!

Opið bréf til mömmu:

Ný plata frá Paul Anka ;)



Paul Anka syngur rokkslagara í big band swing útgáfum.

Lagalistinn:

1. It's My Life - Bon Jovi
2. True - Spandau Ballet
3. Eye of the Tiger - Survivor
4. Everybody Hurts - REM
5. Wonderwall - Oasis
6. Blackhole Sun - Soundgarden
7. It's a Sin - Pet Shop Boys
8. Jump - Van Halen
9. Smells Like Teen Spirit - Nirvana
10. Hello - Lionel Ritchie
11. Eyes Without a Face - Billy Idol
12. Lovecats - The Cure
13. The Way You Make Me Feel - Michael Jackson
14. Tears in Heaven - Eric Clapton

Heyra má útgáfu hans af "Blackhole Sun" @ stereogum.

Nemendatónleikar.

Í dag voru vortónleikar bassanemenda minna í Reykjanesbæ. Ekki nema helmingur nemendanna sá sér fært um að mæta. Fámennt en góðmennt. Þeir sem mættu og spiluðu, stóðu sig vel.



Fleiri myndir.

Til hamingju Steinar.

Þakka hér með fyrir fantagóða útskriftartónleika Steinars Sigurðarsonar um leið og ég óska honum til hamingju með áfangann.

Allir á Steinar.....!

Fimmtudagkvöldið 12. maí kl. 20.00 verða tónleikar í tónleikasal FÍH í Rauðagerði 27. Tilefnið er útskrift saxófónleikarans Steinars Sigurðarsonar af jazz og rokkbraut skólans. Á efnisskránni eru lög eftir hann sjálfan ásamt lögum eftir Wayne Shorter, Joshua Redman og Chris Speed svo eitthvað sé nefnt.

Aðrir hljómsveitar meðlimir eru:
Snorri Sigurðarson á trompet og flygilhorn
Kjartan Valdemarsson á píanó, Hammond og harmonikku
Róbert Þórhallsson á bassa og
Jóhann Hjörleifsson á trommur.

Steinar útskrifaðist með 5 stig á klarinett úr tónmenntaskólanum í Reykjavik árið 1990 en hafði þá einnig stundað slagverksnám í 2 ár en vorið 2003 útskrifaðist hann úr kennaradeild FÍH. Í gegnum árin hefur Steinar verið meðlimur í mörgum hljómsveitum bæði á trommur og saxófón, einnig hefur hann spilað inn á fjölmargar plötur fyrir hina ýmsu listamenn. Mestu áhrifavaldar Steinars í músíkinni eru margir en má þar helst nefna John Coltrane, Kenny Garrett, Joe Henderson og Tom Harrell. Kennarar Steinars í FÍH geta einnig talist miklir áhrifavaldar í tónlist hans en lengi vel var Ólafur Jónsson tenórsaxafónleikari aðal kennari hans en síðustu ár hefur kennslan verið í höndum Sigurðar Flosasonar "multi" saxófónleikara og nú undir lokin hjá Hilmari Jenssyni gítarleikara.

Steinar segist hlakka mikið til tónleikanna í kvöld þar sem þeir marka ákveðin þáttaskil í lífi hans sem tónlistamanns, en tónleikarnir verða bæði í senn kraftmiklir og melódískir og eru þeir öllum opnir á meðan húsrúm leyfir og er aðgangur ókeypis.

Vorhreingerning.

Við hjúin eyddum deginum í massívum þrifum á kjallaranum í dag. VEI!!


Top 6 spilun í iTunes í seinustu viku.

Iguales Para Hoy - Carles Benavent - Fénix
Nap Clarity - Chris Speed - Yeah No
Cromosomi - Enrico Rava - Easy Living
Chanson de Delphine - Fleurine & Brad Mehldau - Close Enough for Love
N.Y. Flat Top Box - John Zorn - Naked City
Sunlight - Pat Metheny - Secret Story

Ragga...

Full ástæða til að óska Ragnheiði Gröndal innilega til hamingju með frábæra burtfarartónleika í gær. Mjög flottir tónleikar.

Próf

Nemendur mínir þreyttu próf í gær. Velflestir reyndu við 1. stigið. Meðaltals einkunn hjá þeim sem tóku 1. stig var 87,4 (hæðsta var 96.0). Meðaltalið í heildina var 86,7.
Einn tók 3. stigið, einn 2. stig og einn tók árspróf.

Árangurinn í fyrra.

Mæli með að fólk skelli sér á:

Burtafarartónleika söngkonunnar Ragnheiðar Gröndal frá Tónlistarskóla FÍH kl. 20:00 í kvöld.

dags: 05.05.05, kl. 23:45

Frank Zappa segir okkur "Poodle Story" fyrir svefninn. Lærum öll um þrjú fyrstu mistök guðs. Meiri Zappa tónlist hér.

Ég óska þeim sem komu í heiminn í dag til hamingju með svala byrjun á kennitölu.

I got ants in my pants

.... söng James Brown hress í bragði eftir að norsku gæjarnir í A-ha höfðu kyrjað um að hin blíðu regn apríl væru yfirstaðin.

Ég varð vitni að atviki í dag sem kom mér svoldið á óvart, átti ekki von á því sem átti sér stað. Kannski ef ég hefði hugsað um það, hefði ég getað séð það koma.
Ung sál í átökum við sjálfan sig og þar með lífið og tilveruna, tók á öllu sínu og lét undan í skamma stund.

Miles Davis tekur við kyndlinum og blæs á sálina á hinni lifandi illsku, "Nem Um Talvez" "ekki möguleiki".

Bylgjur.... lífið gengur í bylgjum. Öldu-dölum og -toppum. Um að gera að vagga fleyinu ef það er ládautt. Það vaggar ekki af sjálfu sér.
"I might be wrong" kvað Útvarpshöfðið á Amnesiac. Billy Joel var ekki heldur viss í sinni sök "I may be crazy, But it just may be a lunatic you're looking for"

Leitið og þér munið finna, týnið og þér munið leita, saknið og þér munið þrá, þráið og þér munið leita. Spurning hvað knýr okkur þegar við höfum fundið.

"Gracias a la vida"

Engin Skúli...

Tónleikarnir sem ég minntist í síðustu færslu, voru fínir. Ég saknaði þess þó að heyra ekki í Skúlanum.

Annars var ég að vinna alla helgina.

TOP 5 í iTunes hjá mér seinustu viku:

Cloud Stopper - Chris Speed - Swell Henry
Fever skin - Torun Eriksen - Glittercard
Höfnun - Óskar Guðjónsson & Skúli Sverrisson - Eftir Þögn
You Turn - Amalgam - Live in Vejle
Last Beginning - Chris Speed - Swell Henry

Annars virðist sem 378 lög hafi rúllað í gegn þessa vikun. Samtals 1 dagur og 7 og 1/2 tími. Er það ekki ágætis hlustun á þessum síðust og verstu tímum.
Mögnuð þessi tækni.

Meðmæli:

Sunnudaginn 1. maí verða haldnir tónleikar á Pravda kl. 22. Á tónleikunum leika:

Andrew D'Angelo á altósaxófón og bassaklarinett
Hilmar Jensson á gítar
Skúli Sverrisson á bassa og
Matthías Hemstock á trommur.

Andrew D'Angelo er búsettur er í New York og er hér í stuttri heimsókn en hann og Hilmar eru á leið til Bandaríkjanna í tónleikaferð ásamt trommuleikaranum Jim Black. Þó svo að tónlistarmennirnir fjórir hafi leikið saman í ólíkum samsetningum í meira en áratug þá er þetta í fyrsta sinn sem þeir leika saman sem kvartett. Andrew er þekktur fyrir leik sinn með Matt Wilson, Human Feel, Tim Berne og fleirum og hefur verið áberandi í tónlistarflóru New York borgar um árabil auk þess sem hann hefur leikið víða um heim með ýmsum tónlistarmönnum.

Skúli Sverrisson er einn eftirsóttasti bassaleikarinn í NY og hefur leikið um heim allan með Laurie Anderson, Pachora, Chris Speed, Blonde Redhead, Allan Holdsworth o.fl.

Hilmar Jensson hefur verið atkvæðamikill í íslensku tónlistarlifi um árabil en hefur auk þess leikið víða um heim m.a. með Jim Black, Tilraunaeldhúsinu, Arve Henriksen og eigin sveitum.

Matthías Hemstock hefur verið virkur í íslensku tónlistarlífi og leikið með fjölda tónlistarmanna og hópa allt frá Sinfóníuhljómsveit Íslands til Rússíbana. Hann hefur og leikið víða um heim m.a. með Jóhanni Jóhannssyni.

Tónleikarnir hefjast kl. 22, aðgangur er ókeypis og öllum heimill meðan húsrúm leyfir.

Dýrfinna langamma og mjólkin.

Fann þessa mynd af Dýrfinnu Jónsdóttur, sem er lang-amma mín, vera að sýna gömul handbrögð við mjólkurvinnslu.

Laklandinn kominn í kofann

Erum við ekki sætir saman?

Mæli með:

Hljómsveitinni Autoreverse sem mun spila á Jazzklúbbnum Múlanum á Hótel Borg á
fimmtudaginn og tónleikarnir hefjast kl. 21:00 og er aðgangseyrir kr. 1.000.



Ívar Guðmundsson: trompet
Steinar Sigurðarson: saxófónn
Sigurður Þór Rögnvaldsson: gítar
Pétur Sigurðsson: bassi
Kristinn Snær Agnarsson: trommur

Hressandi lesningar um skoðanir Pat Metheny á Kenny G

Heimkominn....

þá er maður allur að skríða saman eftir Amalgam túrinn. Ferðasagan og myndir og fleira verður að bíða betri tíma.

Hej hej..!

Så smutter jeg til Danmark, hvor skal spile med den dansk/islandske jazz kvintet Amalgam, som jeg er medlem af, i den kommende uge.

Programmer er følgende:

Mandag, 18. April
Hotel Schaumburg - Nørregade 26 · DK-7500 Holstebro
Check hotellet ud på: www.hotel-schaumburg.dk
Koncerten starter kl. 20:30.

Tirsdag, 19. April
STUDENTERHUS ÅRHUS - Nordhavnsgade 1, 8000 Århus C
Check stedet ud på: www.studenterhusaarhus.dk
Dørene åbnes kl. 20 og der er fri entré

Onsdag,20. April
Jive Jazz Club - Paraplyen, Caféen, Klostergade 1, Vejle
Vi spiller et dobbelt gig med et band fra Odense.
Check klubben ud på: www.jive-jazz.dk
Koncerten starter kl. 20:00.

Det ville glæde mig at se jer alle sammen – til garanteret god musik og fantastisk stemning!!

For yderligere information om Amalgam og vores tour tjek vores hjemmeside på:

http://amalgamgroup.blogspot.com/

Med venlig hilsen

Sigurdór Guðmundsson



Veriði þæg og góð við hvort annað, sjáumst eftir viku....!

Hvernig dreifðist maðurinn um Jörðina? www.ruv.is

Verið er að hrinda af stað nýrri DNA-rannsókn á uppruna mannsins og dreifingu um Jörðina. Talið er að rekja megi dreifinguna með greiningu á lífssýnum úr frumbyggjum á hverjum stað.



Það eru Bandaríska landfræðifélagið National Geographic Society og tölvurisinn IBM sem standa fyrir gena-rannsókninni. Afla á lífssýna úr a.m.k. 100.000 manns, rekja skyldleika með genarannsóknum og finna hver kom hvaðan í árdaga. Þetta verður stærsti genabanki sögunnar.

Erfða- og mannfræðingar segja að maðurinn sé upprunninn í Afríku en rannsóknin á að leiða í ljós búsetu og þjóðflutninga. Sérfræðingar úr fjölmörgum öðrum vísindagreinum leggja rannsókninni lið. Áætlað er að hún taki fimm ár.

Steingervingar gefa vísbendingar um hvar og hvernig menn hafa lifað og þroskast, og dreifst um allar jarðir. Enn er ekki vitað til dæmis hvernig menn komust til Ástralíu fyrir 50 til 60.000 árum. Heldur ekki hvaðan S-Ameríka byggðist. Tungumálarannsóknir og erfðarannsóknir kunna að leysa gátuna. Búið er að skipuleggja rannsóknarhópa í fjölmörgum löndum og IBM leggur til tölvur og tækni.

Meðal spurninga sem leitað verður svara við eru hvar í Afríku eru afkomendur þeirra manna sem fyrstir komu fram. Má rekja herferðir Alexanders mikla með genarannsóknum? Hvaða landnemar lögðu Indland undir sig? Hvernig hefur nýlendustefnan breytt erfðaþáttum Afríkubúa. Er samband milli frumbyggja Ástralíu og þjóðsagna þeirra og hvert er upphaf breytinga t.d. á litarafti og beinabyggingu hjá mannkyninu.



NÁNAR UM RANNSÓKNINA: http://www5.nationalgeographic.com/genographic/




Skoða: GENA-ATLASINN

Ég mæli með:

Andrew D'Angelo ásamt Morthana á Pravda

Bandaríski saxófónleikarinn Andrew D'Angelo lýkur evrópu tónleikaferð sinni á íslandi með tónleikum á Pravda fimmtudaginn 14 april kl.22. Með honum leika tveir ungir norðmenn, þeir Anders Hana á gítar og Morten Olsen á trommur. Saman skipa þeir tríóið Morthana

Andrew er íslendingum að góðu kunnur og hefur leikið fjölmörgum sinnum hér á land, m.a. á Jazzhátíð Reykjavíkur. Sem fyrr segir eru þetta lokatónleikar í evróputúr þeirra félaga og munu þeir leika eigin tónsmíðar af fyrsta geisladisk sínum sem kom út hjá JazzAway Records á síðasta ári.


Hlusta á lag nr. 1 af geisladisknum


Aðgangur er frír á tónleikana.


Andrew D'Angelo Trio Movie (AVI)
This is our bad ass movie
Andrew D'Angelo Trio
Live at Cementen, Stavanger Norway

Andrew D'Angelo - alto sax
Anders Hana - guitar
Morten J Olsen - drums



Tríó Sigurðar Flosasonar
föstudag 15. apríl kl. 16 - 18

JazzAkademían,
Jazzklúbbur Háskóla Íslands,
stendur fyrir síðasta FöstudagsDjammi vormisseris föstudaginn 15. apríl í Stúdentakjallaranum kl. 16 - 18.
Að þessu sinni leikur Tríó Sigurðar Flosasonar en með honum leika þeir Þórir Baldursson á Hammond orgel og Erik Qvick á trommur.

Sigurður er nýkominn úr tónleikaferðalagi um Danmörku.


Langholtskirkja:
"Líðan eftir atvikum"
föstudag 15. apríl kl. 20



Föstudagskvöldið 15. apríl kl. 20:00 mun Blásarasveit Reykjavíkur halda tónleika í Langholtskirkju. Á efnisskránni ber hæst frumflutning á nýjum íslenskum konsert fyrir rafgítar og blásarasveit „Líðan eftir atvikum...“, eftir tónskáldið og gítarleikarann Hilmar Jensson, en Blásarasveit Reykjavíkur pantaði konsertinn af tónskáldinu með stuðningi Menningarborgarsjóðs.
Hilmar segir nánar frá tónverkinu í Jazzfréttum.






Amalgam jazz kvintettinn á ferð um Danmörku:

Mánudaginn, 18. apríl.
Hotel Schaumburg - Nørregade 26 · DK-7500 Holstebro
Skoða heimasíðu Hótels Schaumburg www.hotel-schaumburg.dk
Tónleikarnir hefjast kl. 20:30.

Þriðjudaginn, 19. Apríl.
sTUDENTERHUS åRHUS - Nordhavnsgade 1, 8000 Århus C
Skoða heimasíðu Studenterhus Århus www.studenterhusaarhus.dk
Tónleikarnir hefjast kl. 21.00

Miðvikudaginn, 20. apríl.
Jive Jazz Club - Paraplyen, Caféen, Klostergade 1, Vejle
Skoða heimasíðu Jive Jazz Club www.jive-jazz.dk
Tónleikarnir hefjast kl. 20:00..


Hlusta á Amalgam.


Stund milli stríða hjá Amalgam á ferð okkar um Ísland í fyrra.

Með tónlistina að vopni

Get ekki annað en mælt með snilldar þáttum Sigtryggs Baldurssonar "Með tónlistina að vopni" sem eru sendir út á Rás 1 Ríkisútvarpsins á laugardögum kl. 17:00.



En þar segir Sigtryggur Baldursson frá (í þremur þáttum) baráttumanninum óforbetranlega Fela Kuti og tónlist hans sem kölluð var Afróbít. Nígeríumaðurinn Fela Kuti notaði tónlist sína sem vopn í baráttu sinni við spilltar herforingjastjórnir í heimalandi sínu, Nígeríu. Hann þurfti að lokum að gjalda uppreisnaranda sinn dýru verði en lét aldrei bugast í frjálslegum lifnaðarháttum sínum og skoðunum. Þættirnir eru endurfluttir á þriðjudagskvöldum.

Menning og listir.

Tónleikar M&M á Múlanum voru mjög góðir. Metnaðarfullt og krefjandi prógram hjá drengjunum. Mjög vel heppnað, fín mæting og stemming.



Í gær skelltum við okkur á Iceland Film Festival og sáum myndina Motorcycle Diaries. Snilldar mynd þar sem allt smellur saman, frábær myndataka, tónlist og leikur. Góð skemmtun og áreynslulaus.

Þetta kallar maður BURGER!

ömm... var ekki búið að afgreiða þetta??

Norwegian - American Heritage History

Mæli með:

Pat Metheny heiðraður

KVARTETTINN M&M
heldur tónleika á Jazzklúbbnum Múlanum sem staðsettur er á Hótel Borg á fimmtudagskvöldið kl. 21:00 Kvartettinn skipa þeir: Ásgeir Ásgeirsson gítar, Kjartan Valdemarsson píanó, Róbert Þórhallsson bassi og Ólafur Hólm trommur.

Tónlist eftir Pat Metheny og Lyle Mays.
Rúmlega 30 ára ferill Pat Metheny kannaður

Múlinn festir sig í sessi (Úr Mbl)

Djassklúbburinn Múlinn stendur um þessar mundir fyrir tónleikum á fimmtudagskvöldum í Gyllta salnum á Hótel Borg og verður svo út apríl. Tónleikar Múlans hafa fyrir löngu skipað sér fastan sess í tónleikaflóru höfuðborgarsvæðisins, en til þeirra var stofnað árið 1997.

Nú í vor verða haldnir tíu tónleikar í röðinni og voru þeir fyrstu haldnir þann 17. febrúar síðastliðinn, þegar kvartettinn Pólís reið á vaðið. Næstu tónleikar raðarinnar verða haldnir annað kvöld þegar hljómsveitin Skonrokk, skipuð þeim Sigurdóri Guðmundssyni bassaleikara og hljómsveitarstjóra, Ívari Guðmundssyni á trompet, Óskari Guðjónssyni á tenórsaxófón, Sigurði Rögnvaldssyni á gítar og Jóhanni Hjörleifssyni á trommur, flytur frumsamda tónlist og hefjast tónleikarnir kl. 21.

Benedikt Garðarsson situr í stjórn Múlans ásamt Ólafi Jónssyni og Ásgeiri Ásgeirssyni og spurði Morgunblaðið hann út í röðina í ár.

Hvað er það sem einkennir tónleikaröðina í ár?

"Við höfum haft dálítið af mjög flottri klassík, en þó hefur líka verið ýmislegt annað. Til dæmis var tríó sem kallar sig GRAMS með tónleika 24. febrúar, sem spilaði svolítið pönkskotna og frjálsa músík og Skonrokk, sem leikur á næstu tónleikum, flytur frumsamda tónlist, sem er eflaust dálítið rokkskotin."

Hvernig veljast flytjendur í tónleikaröðina?

"Við höfum umsóknareyðublöð sem eru aðgengileg á Netinu og tónlistarmenn sækja því sjálfir um að fá að vera með. Langflestir sem sækja um að vera með tónleika innan raðarinnar komast að. Við högum röðinni einfaldlega eftir því hversu marga álitlega tónlistarmenn við fáum til að spila hjá okkur."

Er mikil gróska í íslensku djasslífi?

"Já, ég myndi segja það. Það er alltaf að koma nýtt og nýtt fólk út úr djassdeildinni í Tónlistarskóla FÍH sem bætist í hópinn og heldur tónleika bæði í Múlanum og víðar. Og síðan bætast líka við eldri tónlistarmenn í flóruna, eins og eiginmaður Sunnu Gunnlaugsdóttur píanóleikara, Scott McLemore trommuleikari, sem er farinn að spila hérna núna, og Zbigniew Jaremko saxófónleikari, sem starfar sem tónlistarkennari í Bolungarvík og hefur haldið nokkra tónleika í Reykjavík. Þannig að þetta eru ekki bara krakkar, heldur líka eldra fólk sem er að koma inn."

Hvers konar fólk kemur á tónleika Múlans?

"Það er nú allur skalinn og töluverð breidd í aldri áheyrenda.

Það er heldur ekki alltaf sami hópurinn sem mætir, þó að það sé viss kjarni sem mæti á flesta tónleikana."

Er Múlinn kominn til að vera?

"Já, það held ég örugglega. Við finnum fyrir miklum áhuga og menn eru staðráðnir í því að halda þessu gangandi. Tónleikar Múlans eru að vissu leyti leiðandi, því þetta eru tónleikar sem hafa verið fastur liður síðustu átta ár í djasslífinu á höfuðborgarsvæðinu."


Benedikt Garðarsson

Benedikt Garðarsson er fæddur árið 1949 á Selfossi, en hefur síðan verið búsettur á höfuðborgarsvæðinu. Hann er hárskeri að mennt og starfar sem slíkur. Benedikt hefur setið í stjórn djassklúbbsins Múlans undanfarin tvö ár. Eiginkona Benedikts er Elín Helgadóttir og eiga þau tvær dætur.

Tónleikar á tónleika ofan.

Ég skemmti mér á Tomma og co. í Stúdentakjallaranum og var það barasta hin besta skemmtum. Bandið dúndurgott.

Svo fór ég á útskriftartónleika Guðmundar Steins í Salnum. Sérlega súrt.

Mæli með þessu....

16:00 - 17:30 - Jazzakademían - Stúdentakjallarinn:
Tómas R. Einarsson og Havanabandið föstudag 1. apríl kl. 16 - 17:30 FRÍTT INN.

kl. 20:00 – Salurinn í Kópavogi Ásrún Inga Kondrup, tónsmíðar Guðmundur Steinn Gunnarsson, tónsmíðar.
Aðgangur er ókeypis - allir velkomnir
Nánar.

Giggaló

Skonrokks giggið fór vel fram á Múlanum. Við félagarnir ákváðum að reyna einn af minni sölum staðarins og er ég ekki frá því að það sé jafnvel frekar málið en geymurinn ógurlegi. Það þarf alveg 100 manns til að geymirinn hljómi sæmilega og því miður eru nú mætingar á Múlann sjaldnast svo öflugar.

Tónlistin lifnaði við á gigginu, sumt fór fyrir ofan garð og neðan, en að mestu leyti voru heimtur góðar.

Hlaupanótan

Maður var ekki í amalegum félagsskap í þættinum Hlaupanótunni sem var á RÚV í dag. AlasNoAxis, Claude Debussy og Pierre Boulez, nú já og Amalgam. Amalgam deilir þarna tengli dagsins ásamt Winter&Winter.



Hlusta má á herlegheitin.



Annars minni ég á tónleika Skonrokks á Múlanum annað kvöld.

Sjáumst!

Skonrokk á jazzklúbbnum Múlanum fimmtudaginn 31. mars, kl. 21:00

Hljómsveitin Skonrokk leikur á Jazzklúbbnum Múlanum á Hótel Borg fimmtudaginn 31. mars. Tónleikarnir hefjast kl. 21:00 og er aðgangseyrir 1000 kr.
Skonrokk leikur frumsamda jazztónlist þar sem ýmsum straumum og stefnum bregður fyrir.



Ívar Guðmundsson: trompet
Óskar Guðjónsson: saxófónn
Sigurður Þór Rögnvaldsson: gítar
Sigurdór Guðmundsson: bassi
Jóhann Hjörleifsson: trommur

Sjáumst.

Síðkastið

Jámm það er búið að vera nóg að gera þrátt fyrir að maður eigi að heita í páskafríi.

Á sunnudaginn var Ásmundur bróðir minn fermdur og fylgdi fjölmenn veisla í kjölfarið. Alltaf gaman að hitta fólkið. Myndir hérna.

Á mánudaginn var fyrsta Skonrokks æfingin, fyrir Múla giggið í næstu viku.
Að henni lokinni spilaði ég inn á tvö lög (People Make the World go 'Round og Blue Skies) á demó fyrir Ásu vinkonu og Geimfara. Kjartan Valdimarsson flyglaðist.
Hvað gerði ég meira .. hmm? .. Fór a.m.k. í ræktina og eldaði killer sjávarrétta súpu.

Á þriðjudaginn var önnur Skonrokks æfing (þó var bandið ekki fullskipað allan tímann). Svo var ferðinni heitið í Hafnarfjörðinn í fjölskylduljósmyndun í tilefni fermingar örverpisins. Þaðan fór ég beint upp á RÚV og hitti Elísabet Indru sem hljóðritaði spjallaði við mig um komandi Múlatónleika, viðtalinu verður útvarpað næsta miðvikudag (30. mars).
Svo var kíkt í Hljóðfærahúsið og Tölvulistann og verslaðir strengir
og utan á liggjandi harður diskur (200GB).
Síðan var æfing upp í Exton fyrir stigspróf Krissa og Finns (trommur og básúna), Siggi Rögg fyllir hópinn. Fullt af skemmtilegu stuffi þar, miðað við mörg stigsprófin.

Í dag svaf ég rækilega út (alveg sirka 8 tíma .. hehe!) sem er framför.

Í kvöld eru tónleikar tilraunaeldhúsins/kitchen motors í Iðnó kl. 21:00 (500 kall inn). Þar koma fram Karanóva og Benni Hemm Hemm.




Á morgunn skírdag, fimmtudaginn 24.mars verða eftirfarandi tónleikar á Pravda bar kl. 22-24:

Söngkonan Margrét Eir og Róbert Þórhalsson á bassa. Á dagskránni eru lög eftir Joni Mitchell, Duran Duran, Kate Bush með pop og jazzívafi. Þetta verða að öllum líkindum síðust tónleikar hennar hérna á landinu áður en hún flytur af landi brott, svo ekki missa af þessu einstæða tækifæri.

Aðgangur er ókeypis og öllu frjáls meðan húsrúm leyfir. (Úr Jazzfréttum).

Lifið heil.


iTunes: Time Remembered - Paul Motian, af plötunni Bill Evans.

Billy Mohler On Groove Philosophy

chill

Föstudagskvöld..... góður matur, rauðvín, þægilega þreyttur, fór í ræktina í dag. Gerist varla betra. Mega chill í gangi.

En hver getur ekki notað (fríar) óútgefnar Frank Zappa plötur?

Brain on .. brain off ... !!??

Komust að því hvernig fólk fær lög „á heilann“

*----*

Ég er veikur

er samt að vinna (heima)

verð í bælinu fljótlega



iTunes: My Funny Valentine - Os Poligonais - Novas Ideias

Sunday night prayer meeting ???

Þar sem ég hef verið ansi ópersónulegur hér á þessu auma bloggi seinustu vikur þá ætla ég að deila með ykkur því sem ég gerði í dag.
Here goes:
Vaknaði fyrir kl. 10:00, fór í verslunarleiðangur, á kaffihús, versla meira, spila í gospel messu, borða, spila í annari gospel messu. .... já svona sirka bát.

Spilaði í tveimur gospelmessum á (þessum) æskulýðsdegi kirkjunar á Suðurnesjum. Með mér spiluðu Steinar Guðmundsson og Erik Qvick.

Ég fann mér og keypti (m.a.) nýjan geisladisk sem inniheldur nýjar og eldri upptökur af íslensum tvísöngslögum. Tvísöngur: Íslensk fjölröddun í fimm aldir. Athyglisvert... er ekki hægt að nýta þennan tónlistararf eitthvað.

Annars hefur maður verið að reyna að hnoða saman einhverju nýju efni fyrir komandi Múla gigg. Tekur alltaf tíma, en vissulega gaman.

Góðar stundir og lifið heil.

Sniðug kenning um slagsmála félagið og Calvin & Hobbes

Fight Club
The Return of Hobbes
Hobbes is reborn as Tyler to save "Jack" (a grown-up Calvin) from the slough of un-comic despair. Meira...


"There are eight rules of Fight Club."

Hin konunglega Kaki kona sem var hjá Conan um daginn fer sem eldur í sinu um mp3 blogheiminn!

Meira af Kaki King hérna.

www.bendingcorners.com

BendingCorners is a monthly themed excursion into the music of jazz-n-groove. Each month we explore an hour or so of music based around a general theme.

Frá FÍH.

Ágæti tónlistarmaður

Ertu að spila á árshátíð, þorrablóti eða dansleik um helgina?
Veistu að þú átt að fá rúmlega 25.000,- kr. á kvöldi (miðað við fjögurra manna hljómsveit) tími kl. 23 - 03.
Stattu vörð um rétt þinn og spilaðu ekki fyrir minna.
Starfsfólk FÍH veitir alla hjálp og upplýsingar um kaup og kjör.
Bendum ennfremur á heimasíðu félagsins www.fih.is

Stjórn og starfsfólk FÍH

Básúnu pönk jazz ... ú je!!

The Ridiculous Trio

Plays The Stooges

Mike Hagedorn - trombone

Shannon Morrow - drumset

Rob Pleshar - tuba



No Fun - 3:35

Down on the Street - 3:27

I Wanna Be Your Dog - 1:54

Dirt - 5:26

She Creatures of the Hollywood Hills - :47

Scene of the Crime/Death Trip
- 3:22

Not Right - 2:19

We Will Fall - 15:39

The above information is correct - trombone, tuba and drums (no vocals!)covering Stooges classics. And, I know what you're thinking - on paper, the novelty joke wears off before the ink dries. But after you get over said joke, you will find within these sessions the pure essence of rock and roll; and it's raw, loud and bitchin'. Challenge your assessment of one of rock's sacred cows. Produced and recorded by Mike Hagedorn, November 2004. Released November 2004.

Mike Hagedorn is extremely entertaining to watch play, he is a big bald fellow who realizes the comedic power of the trombone visually & aurally. He practices, what he calls, "Pimprovisation"...

" I make music that is simple, direct, but layered with subtext. I aim to bring challenges and rewards back to the listener, through subtle melody and explosive energy. Free of irony, innocence is restored, reverted to its primal state, and any further notion of style or genre is flushed away."

Fúsi Jón og félagar.

darkfunk.com býður upp á eðal "early fusion" með Herbie Hancock og Bennie Maupin.

Leigubílstjórinn lyfjaði er að leita að funkinu.