Bruni....

Tónleikarnir í gær með Kenny Garrett voru vægast sagt ansi hressandi. Mikil stemmning. Akkúrat Það sem maður þurfti á þeim tímapunkti. Það var helst að flokkinn hefði skort dýnamík. Trommarinn barði settið í strimla og flygillinn færðist úr stað sökum látanna í píanistanum. Ég missti reyndar af því þegar þeir tóku Donna Lee á tempói dauðans, skilst mér. Þvílík tímasetning til að fara á klósettið. Hitti Jesper og fleira gott fólk.

Svo var bara klúbba rölt og stemming fram eftir nóttu. Kom alltof seint heim og var alltof slappur í dag. Uss uss!!

Fyrr um daginn var ég að slæpast um Smáralindina með Ásu systur og Arnari Frey. Verslaði mér t.a.m. skó (kominn tími á það) og tvo nýja diska, "Ég um þig / Me For You" - Kristjana & Agnar, "Mor Duran" - A:Mor. Fínasta músík alveg.

Svo bauð ég Ásu (söngspíru) og Agli í mat fyrir tónleikana og fórum við saman á þá ásamt Sjonna sem bættist í hópinn.

Stuð og fjör...!